သူငယ်ချင်းများ.. သို့..

တို့တစ်တွေဟာ
ကိုယ်တိုက်ပွဲနဲ့ကိုယ်
ရဲဘော်တွေ

တို့တစ်တွေဟာ
ကိုယ့်စစ်မျက်နှာကိုယ်
မဟာမိတ်တွေ

တို့တစ်တွေဟာ
လူစုံတယ် နေရာစုံတယ်
သဏ္ဍာန်စုံတယ်
`ပိုက်ဆံတော့ ငါလည်းပြတ်နေတယ်
ထမင်းချိုင့် တစ်ဝက်စားသွားကွာ´
ဆိုတဲ့ကောင်ပါတယ်
သူငယ်ချင်းအတွက်ဆို
ရေခဲကနေ မီးတောက်
ဖြစ်ပေးမယ့်ကောင်ပါတယ်
ထိုးပြီးမှ သနားလို့ဆိုပြီး
မျက်ရည်ဝဲလို့
အသည်းနုတဲ့ကောင်ပါတယ်
မူးရင်
သူငယ်ချင်းတွေတပြီး
ငိုတဲ့လူပါတယ်
မျိုးစုံ မျိုးစုံ မျိုးစုံ
မျိုးစုံတယ်။

ဒါတွေဟာ
မဆွဲထားပေမယ့်လည်း
မြဲသွားတော့မယ့် ပုံရိပ်တွေ။

ခွဲသွားပေမယ့်လည်း
ကွဲမသွားတော့မယ့် သူငယ်ချင်းတွေ။ ။

ထွန်းနွယ်
(ခေတ္တ-မော်လမြိုင်)
godequaltox.blogspot.com

လျှို့ဝှက်ထားကြပါ

တို့တစ်တွေ
ဥာဏ်ပညာတွေ
ချစ်ခြင်းတရားတွေ

(ရှုး.... တိုးတိုး)

လူအဖြစ်ဟာ
ဘာမှ မဟုတ်ဘူးဆိုတာ
ဘုရားသခင် မသိစေနဲ့။ ။

ထွန်းနွယ်
godequaltox.blogspot.com

ပိုးဖလံများ

အလင်းနဲ့ အမှောင်ရဲ့ လှည့်စားမှုတွေထဲ ပျော်ရွှင်စွာ
ဆော့ကစားကြ၊ အတ္တကိုယ်စီနဲ့ ကိုယ့်ကိုယ်ကိုယ်တော့
မဟာစွမ်းအားရှင်တွေပေါ့။ မွေးဖွား- ကြီးပြင်း
ချောက်နက်ထဲ ခုန်ဆင်းရင် သူရဲကောင်းလား။

ရာဇဝင်ကြီးတွေ၊ သမိုင်းကြီးတွေ၊ ဇာတ်လမ်းကြီးတွေက
ပိတ်ဆီးကာရံထား။ ကင်းဗတ်စ်သားပေါ်က အရုပ်နဲ့
အရောင်တွေ၊ သူတို့ အချုပ်အနှောင်ခံထားရသလိုလို
မဟုတ်ဘူး- အမြင်ကို အကျဉ်းချမယ့် ပြတင်းဝတွေပ။

သင်ကြားပို့ချသမျှ ရွှေတောင်တက်ဒဿနတဲ့လား။
သိမှုဗေဒတွေ ချဲ့ထွင်ခဲ့ကြ။ ပင်မရေစီးတွေဟာ
ကြောက်မက်ဖွယ် တန်ခိုးသြဇာ၊ နတ်ဆိုးရဲ့ ကျိန်စာများ။
အသက်ဇီဝရှင်သန်ရပုံတွေ ပိုရှုပ်ထွေး ပိုခက်ခဲ ပိုနက်ရှိုင်း။

သီအိုရီတွေက မဆုံးနိုင်ပါဘူး။ ဝါဒတရားတွေက
ဝါးပင်ပမာ၊ မိုးဦးလေဦးထဲ မိုးကြိုးမုန်တိုင်းထဲ
အတုံးအရုံးပြိုလဲသမျှ၊ မျှစ်စို့မျှစ်နုကလေးတွေလည်း
အလုအယက်ထွက်လာကြဦးမှာ သဘာဝဖြစ်စဉ်။

ညဥ့်နက်နက်တွေပါပဲ။ ရှေ့ကို ခရီးဆက်ခဲ့ကြ
မနက်လင်းရင် ရွာရောက်မယ် ဘာကြောင့်ယုံကြည်။
တည်ဆောက်ထားတာတွေအားလုံးဟာ ထင်ယောင်ထင်မှား
ဖြစ်မှုသက်သက်မျှ။ အနိုင်ရသူတွေ စီးဆင်းသွားကြရဲ့။

ရာစုနှစ်များတိုင်၊ ယှဉ်ပြိုင်မှုများ မရပ်တန့်ခဲ့။
တစ်ကန့်ချင်း တစ်လွှာချင်းစီမှာ ပညာသားအဖြာဖြာ။
အားထုတ်ကြ- ဆုတောင်းကြ- လွတ်မြောက်ရပါစေသားတဲ့
နံရံရဲ့ အခြားတစ်ဖက်ဆီသို့ အန္တိမမျှော်လင့်ချက်များ။

မင်းထက်မောင်
၃၀၊ စက်တင်ဘာ၊ ၂၀၀၆
ကဗျာပြောင်းပြန်/၂၀၀၆

ရေချိုးပြီးတော့လည်း ဘာထူးလဲ ဒီအဝတ်အစားကိုပဲ ပြန်ပြန်ဝတ်နေရ

မင်းအရောင်းအဝယ် ဘယ်လောက်ပါးဖူးသလဲ။ မင်း ငွေပြန်အမ်းတာ
မှားဖူးလား။ မင်းမှာ ရစရာ ဘယ်လောက်ရှိလဲ၊ မင်းမှာ ပေးစရာရော
ဘယ်လောက်ရှိလဲ။ မင်းမှာ ခရီးစရိတ် ဘယ်လောက်ကျန်သေးလဲ၊ မင်းမှာ
သွားစရာလမ်း ရှိသေးလို့လား၊ မင်းမှာ အင်္ကျီအသစ် ဘယ်နှထည်ရှိလဲ
မင်းမှာ ပွဲလမ်းသဘင် ဘယ်နှခုတက်ဖို့ရှိလဲ၊ မင်းမှာ သော့ဘယ်နှချောင်း
ရှိသလဲ၊ မင်းမှာ ဖွင့်စရာ သော့ခလောက်ရော ရှိလို့လား၊ မင်းမှာ
သိမ်းထားစရာ ပစ္စည်းဘယ်လောက်ရှိလဲ၊ မင်းမှာ
လူတွေ့မခံရလောက်မယ့်အဖြစ် ကြုံဖူးလား၊ မင်းမျက်မှန် အနီးအဝေး
ဘယ်လောက်ရှိသလဲ၊ မင်းမတွေ့ဖူးသေးတဲ့အရာ ဘယ်နှခုရှိသလဲ
မင်းမှာ အကုန်သိ အကုန်တတ် ပြောတတ်တဲ့အကျင့်ရှိလား၊ ခုမှတွေ့တယ်
... မင်းက ပါးစပ်ကြီးနဲ့ပဲ ...
               “ဟုတ်လို့လား”
        မင်းက ပါးစပ်ကြီးကို မြင်သွားပြီလား
ဒါဆိုအဲဒီပါးစပ်ကပဲ မင်းကိုမေးစရာ ဘယ်လောက်ရှိသေးလဲလို့မေးလိမ့်မယ်။
    ဖြေစရာအဖြေတစ်ခုခုရွေးဖို့ မင်းမှာ ဦးနှောက်ရှိလား။
               “ဟုတ်လို့လား”
        မင်းက ဦးနှောက်ကိုပါ တွေ့သွားပြန်ပြီလား
ဒါဆို အဲဒီဦးနှောက်ကပဲ မင်းကိုမေးစရာ ဘယ်လောက်ရှိသေးလဲလို့
    ထပ်ပြီးမေးလိမ့်ဦးမယ်။
မင်းမှာ ဖြေစရာ အဖြေတစ်ခုခုရွေးဖို့ ရွေးချယ်စရာ ကျန်သေးလား
               “ဟုတ်လို့လား”
               “ဟုတ်လို့လား”
               “ဟုတ်လို့လား”
               “ဟုတ်လို့လား”



အောင်ပြည့်စုံ
၂၊ ဇန်နဝါရီ ၂၀၀၅
တစ်ယောက်ချင်း
(မောင်ပြည့်မင်း၊ အောင်ပြည့်စုံ)
နှစ်ကာလများ၊ စက်တင်ဘာ၊ ၂၀၀၈။

ရွေးချယ်ရမယ့်လမ်း

ဒီမှာ . . .
                အမှန်လည်း မရှိ
                အမှားလည်း မရှိ
      ခင်ဗျား ဘာကို ငြိတွယ်နေမှာလဲ
ရှိခြင်းဟာ “ဒွိ”
      ခင်ဗျား ကိုယ့်ကိုယ်ကိုယ် သိအောင်ကြိုးစားပါ
      ခင်ဗျားနဲ့ ဆက်စပ်နေတာတွေကို သိအောင်ကြိုးစားပါ
                (ဒိုးပြားရမှာ အမှန်တကယ်လို့
                မထင်လေနဲ့ . . .)
ဖြစ်တည်မှု/ဖြစ်ရှိမှု
      ခင်ဗျားရဲ့ အစစ်အမှန်လောကနဲ့ အခြားသောအိပ်မက်များ
                (ခင်ဗျား ဘာဖြစ်ချင်တာလဲ
                ခင်ဗျား ဘာလုပ်ချင်တာလဲ
                ကိုယ့်ကိုယ်ကိုယ် အသေအချာပြန်မေး)
      (မဆိုင်တာတွေ မတွေးပါနဲ့
      ဆိုင်တာတွေ တွေးမယ်ဆိုရင်လည်း
      အသေးစိတ် အကုန်တွေး)
... ... ... ... ...
... ... ... ... ...
                မရေးချင်ပါဘူးလို့နေတာ
                “ကဗျာ”က သူ့အလိုလိုလာခဲ့တယ်။


မင်းထက်မောင်
၂၈၊ ဇွန်၊ ၂၀၀၆
ကဗျာပြောင်းပြန်/၂၀၀၆

မီးတောင်တစ်ခု အကြောင်း

သူမက မီးတောင်တွေကို စိတ်ဝင်စားတယ်
ကျွန်တော်က သူမကို စိတ်ဝင်စားတယ်
မီးတောင်တွေအကြောင်း သူမ လေ့လာသလို
သူမအကြောင်းကို ကျွန်တော် လေ့လာခဲ့တယ်
“မီးတောင်တွေဟာ အမျက်ကို တော်ရုံ အပြင် ထုတ်မပြကြဘူး”
သူမ အမြဲ ပြောခဲ့တယ်
ကျွန်တော့် လေ့လာချက်အရ
သူမဟာလည်း မီးတောင်တစ်ခုပေါ့
သူမရဲ့ ဒေါသချော်ရည်တွေထဲမှာ
ချစ်ခြင်းတစ်ခု
သက္ကရာဇ်တစ်ခု
အနာဂတ်တစ်ခု
ချိုမြိန်စွာ ပါဝင်နေခဲ့ဖူးတယ်
... ...
... ...
ကြာခဲ့ပါပြီ
အနာဂတ်တစ်ခု
သက္ကရာဇ်တစ်ခု
ချစ်ခြင်းတစ်ခုဟာ
မီးတောင်သေတစ်ခုရဲ့ ချော်ခဲတွေအောက်မှာ
အေးခဲ သေဆုံးလို့...

သီဟသူ
၁၁၊ ၀၈၊ ၂၀၁၀

လူစွမ်းကောင်း ကဗျာ (၂)

စူပါမင်း မကြည့်ချင်ဘူး
စပိုက်ဒါမင်း မကြည့်ချင်ဘူး
ဒီလုံး မဖတ်ချင်ဘူး
မောင်တီထွင် မဖတ်ချင်ဘူး
သူရို့ကယ်မှ ရမယ့် ကမ္ဘာမဟုတ်ဘူး
ပြောပြောဆိုဆို Neo ရောက်လာ
သူကယ်မှပဲ
The Matrix
သုံးကားနဲ့ ဇာတ်သိမ်းတော့တယ်။

သီဟသူ
၀၉၊ ၀၈၊ ၂၀၁၀။

သို့ မေမေ (၇)

မေမေရေ
ရေမကူးတတ်လို့လားမသိဘူး
ကိုယ်ဖော့ထားရတာလဲ
ပင်ပန်းလွန်းလှတယ်။

သီဟသူ
၀၈၊ ၀၈၊ ၂၀၁၀။

ရုတ်တရက်စီးဆင်းသွားသောအရာ

စလိုက်ရမှာလား
အစမရှိတော့ပြီလား
စာရွက်ဘယ်မှာလဲ ငါ လာနေပြီလား
ထမင်းဝဝစားလို့ ဗိုက်တင်းတဲ့အခါ ဒါမျိုးလား
သတ်မှတ်ထားတဲ့ ဘောင်တွေကို ကျော်ခဲ့ပြီလား
ခင်ဗျားတို့ ပြောစကား အားလုံးကြားတယ်
... တားတဲ့ကြားက ရူးရူးမိုက်မိုက် ... ...
... ကြိုက်တယ် ကြိုက်တယ် ကျုပ်တို့လိုအပ်နေတာ ... ...
... မလိုအပ်ဘဲ စကားလုံးတွေ တလွဲသုံးစွဲ ... ...
ဗြုန်းခနဲပါပဲ (ဗြုန်းခနဲဟာ မြည်သံစွဲအလင်္ကာမဟုတ်ဘူး)
ဆေးလိပ်ငွေ့တွေ ဝေ့ဝဲသွားလိုက်တာ ချောင်းတဟွတ်ဟွတ်
မီးနဲ့လောင်စာ၊ လောင်စာနဲ့မီး၊ ပြီးတော့တာပဲ
ရှေ့ခရီး ... ... ... ... ...
အနာဂတ်ဘူးသီးဟာ ဘယ်လိုဆက်ကြီးထွားမယ်
ခင်ဗျား စိတ်ဝင်စားတယ်ဆိုလည်း မှန်ဘီလူးကိုင်
အဝေးကြည့်မှန်ပြောင်းဟာ လမ်းကြောင်းအသွယ်သွယ်
အခုပြောနေတာ ပင်လယ်သေးသေးကလေးအကြောင်းမဟုတ်
ပင်လယ်ပေါင်း တစ်သိန်းတစ်သောင်းရှိတဲ့စကြဝဠာ
အနန္တစကြဝဠာ
ဘေးရန်ခပ်သိမ်း အေးငြိမ်းကြပါစေ
ပန်းကလေးများ လန်းဆန်းကြပါစေ
လိပ်ပြာကလေးတွေလည်း
ဘဝသုံးပါး ကာလသုံးပါး
အရင်အတိုင်း ပေါ့ပေါ့ပါးပါး ကျော်လွှားဖြတ်သန်းကြပါစေ
ရေကို ရေလို့ မမြင်ဘဲ
အသွင်သဏ္ဌာန်တစ်ခု
အလျင်တစ်ခု
ဒါမှမဟုတ်၊ စိတ်ကူးတစ်ခုလို့ မြင်ကြည့်ကြပါလား။

မင်းထက်မောင်
၎၊ ဇွန်၊ ၂၀၀၆။
ကဗျာပြောင်းပြန်/၂၀၀၆

စနေ နေ့တစ်ဝက် (၇)

ပြုံးပြနေတာလား
မချိသွားဖြဲပြတာလား
ငါကပဲ အဆိုးမြင်တတ်တာလား
ဒီနေ့ကျမှ နေရောင်ကလည်း စူးရှလွန်းတယ်။

သီဟသူ
၀၇၊ ၀၈၊ ၂၀၁၀

(၂၅) အတ္ထုပ္ပတ္တိ

(၁)          လမ်းရှိလို့ လျှောက်နေရတာပါ
(၂)          အမောင် တောင်၊ မြောက် မသိပါ။

(၃)          ဗမာ၊ ဗုဒ္ဓ
(၄)          မှတ်ပုံတင်မှာ ရေးသွင်းထားရဲ့
(၅)          ငါးပါးသီလ ကျိုးတစ်ခါ၊ ပေါက်တစ်လှည့်။

(၆)          လူပြက်တစ်ယောက်
(၇)          မအောင်မြင်တဲ့ ပြက်လုံးတွေ တစ်ပွေ့တစ်ပိုက်နဲ့။

(၈)          ငွေ၊ ငွေ၊ ငွေ၊ ကဗျာ၊ ငွေ၊ ငွေ။
(၉)          ဝီစကီ၊ ဝီစကီ၊ ကဗျာ၊ ဝီစကီ။

(၁၀)         နောက်ကျလွန်းတော့
(၁၁)         ကိုယ်ကပဲ ရှေ့ရောက်နေသလိုလို
(၁၂)         ကွင်းပတ်ပြေးပွဲမှာလေ

(၁၃)         ၂၅နှစ်သား
(၁၄)         သာမန်မျှပါပဲ၊ သာမန်ပါပဲ။

(၁၅)         ×××
(၁၆)          - - - - - -
(၁၇)         ဗလာ
(၁၈)          . . . . . . . . .
(၁၉)         ( )
(၂၀)         ×××
(၂၁)         စာမျက်နှာများ
(၂၂)          . . . . . . .
(၂၃)         ×××

(၂၄)         ဘုရားအဆူဆူ လွဲခဲ့ပြီးလေသော အမောင်
(၂၅)         တောင်၊ မြောက် မသိသေးပါ။

သီဟသူ
၀၃၊ ၀၈၊ ၂၀၁၀။