ရန်ကုန်ကို မအိပ်စေချင်ရင်
ရန်ကုန်ဟာ မအိပ်ဘူး။
ရန်ကုန်မအိပ်ရင်
တော်လှန်ရေးဟာလည်း
မအိပ်ဘူး။
ခု လှုပ်ကြည့်တယ်
လှုပ်တယ်။
ဘီလူးစီးလို့ လှုပ်တဲ့မြို့ကြီးမဟုတ်
အသိဉာဏ်နဲ့ လှုပ်တဲ့မြို့ကြီး။
ရန်သူတွေက
အင်အားကြီးယောင်ပြရင်
သူတို့ အင်အားနည်းနေလို့ပေါ့။
ရန်ကုန်ဟာ ဒါကို
ရုန်းကန်နေတဲ့ကြားမှာ
ဖော်ထုတ်လိုက်တယ်။
ရန်ကုန်ရဲ့
လက်မောင်းကြွက်သားတွေကို
သူတို့ဖြုံတယ်။
ရန်ကုန်ပေါ့။
ရန်ကုန်ဟာ
မင်းကိုခါးပြောသလို
ပြန်လာပါတယ်။
ရန်ကုန်ဟာ ပြန်လာမယ်တဲ့။
ရန်ကုန်ဟာ ပြန်လာနေပြီ။
ရန်သူတို့ရဲ့
သွေးရူးသွေးတမ်း တုံ့ပြန်ပုံကို
ကမ္ဘာက သိသွားတယ်။
အဲဒီမှာ ရန်ကို ကုန်ဖို့လမ်းစ။
ရန်ဟာ ကုန်မှာပဲ။
ရန်ကုန်ပဲလေ။
ဖြတ်ခနဲ လူးလွန့်သွားတဲ့
ရန်ကုန်ည လမ်းမများဟာ
ကြွက်သားတွေပေါ့။
ရန်ကုန်ဟာ
နောက်ဆုံးလက်သီးအတွက်
ရှိနေပြီ။
ရေဝတီ
၈-၃-၂၀၂၁
No comments:
Post a Comment