> သီဟသူ [dot] blogspot [dot] com: မပြောင်းလဲသော တိမ်တိုက်များ

Apr 13, 2014

မပြောင်းလဲသော တိမ်တိုက်များ

အိမ်ကနေ ဝေးရာကို သွားနေတဲ့ ကျွန်တော်ရဲ့
အရိပ်ကို အိမ်အပြန် ဘတ်စ်ကားတွေပေါ်မှာ ရိပ်ခနဲ ရိပ်ခနဲ တွေ့
တွေ့ နေရတယ်။

ကိုယ့်အရိပ်က ကိုယ်နဲ့ ခွဲပြီး ကြာကြာ နေလို့ရပါ့မလား။

ဒီဖုန်းနံပါတ်ကိုပဲ အကြိမ်ကြိမ်ပြန်နှိပ်
'သူ ဒီမှာ မရှိတော့ဘူး'
ဒီအဖြေပဲ အကြိမ်ကြိမ်။

'သူ'ကိုယ်တိုင်ပြန်ဖြေနေတာကော မဖြစ်နိုင်ဘူးလား။

'မင်းမရှိလည်းဖြစ်တယ် ကိုယ့်ရဲ့မရှိမဖြစ် မိုး'
သိမ်းထားရတာတွေ ပြောချလိုက်တော့
ရင်ထဲ ပေါ့သွားတယ်မလား။

တချို့ကိုတော့
တောင်ပေါ်က သစ်ပင်တစ်ပင်ရဲ့ပင်စည်ကို အပေါက်ဖောက်
တိုးတိုးလေးပြောပြီး
အပေါက်ကို ရွှံ့နဲ့အုပ် သိမ်းထားခဲ့ပါတယ်။

နာနတ်သီး စည်သွပ်ဘူးတွေမှာလည်း
'ကုန်ဆုံးရက်'ဆိုတာ ရှိတယ်မဟုတ်လား။

သီဟသူ
၀၉-၀၄-၂၀၁၄