> သီဟသူ [dot] blogspot [dot] com: 2016

Jul 9, 2016

ချာတိတ်ဘဝ-၉

အဲဒီတုန်းက
စီဒီ၊ အမ်ပီသရီး
မလွယ်ကူဘူး။
ဝေါ့ခ်မန်းလည်း
ကိုယ့်မှာ လွယ်လွယ်ကူကူ
မကိုင်နိုင်ခဲ့ဘူး။
ကက်ဆက်တိပ်ခွေ
တွေနဲ့ပဲ ဂီတကို
ရင်းနှီးရ။
မြူးဇစ်ပလပ်က
တိပ်ခွေတွေနဲ့
နိုင်ငံခြားဂီတ
ရင်းနှီးရ။
အင်တာနက်ကမရှာ၊
အခွေကာဗာ
အထဲမှာပါတဲ့
သီချင်းစာရွက်နဲ့
ကက်ဆက်ကြီးရှေ့ထိုင်
အလွတ်ရတဲ့အထိ
သီချင်းကျက်၊
ဂီတနဲ့ယဉ်ပါးအောင်
အားထုတ်ခဲ့ရ
အဲဒီတုန်းက
ချာတိတ်ဘဝ။ ။ 

သီဟသူ

Jul 8, 2016

ချာတိတ်ဘဝ-၈

ဒီအမေနဲ့အဖေရှိလို့သာပဲ
အမေ အဖေကို
ကလန်ကဆန်လုပ်နိုင်တဲ့ချာတိတ်
ဘဝကိုရခဲ့။

ဘယ်လိုဖြစ်ဖြစ်
ချစ်နေဦးမယ့်
လူနှစ်ဦး
ရခဲ့၊ ရှိနေဆဲ။

အဆုံးမရှိ
မေတ္တာနဲ့။ ။

သီဟသူ

Jul 7, 2016

ချာတိတ်ဘဝ-၇

အဲဒီတုန်းက
ကျွန်တော်
ချာတိတ်ဘဝ
ညဘက်
ကျကျနန
စ ထိုင်ဖြစ်တဲ့
လက်ဖက်ရည်ဆိုင်
'အချစ်ရွာ' ကနေ
ညသန်းခေါင်
အိမ်ကို စက်ဘီး
စီးပြန်လေ့ရှိတယ်။

ဒီည
သန်းခေါင်မှာ အိမ်အပြန်
'အချစ်ရွာ' မှာ နားထောင်ခဲ့တဲ့
'လမ်းနဲ့အလွမ်း' ကို တိုးတိတ်ညည်းမိ။
ဒီညသန်းခေါင်
အိမ်အပြန်လမ်းမှာ
ကျွန်တော့် ပျိုရွယ်မှု
ကျွန်တော့် ချာတိတ်ဘဝ
ဟိုး ပြန်မလာအတိတ်ကို
ကျွန်တော် တိုးတိုးလေး
ညည်းခဲ့။ ။

သီဟသူ
၁၇/၀၂/၂၀၁၆