တစ်ယောက်နဲ့ တစ်ယောက် နစ်နာဖို့မဟုတ်ပေမယ့်
တစ်ယောက်နဲ့ တစ်ယောက် အချစ်မဟုတ်တဲ့ အချစ်တွေနဲ့
တစ်ယောက်နဲ့ တစ်ယောက် နှလုံးသားများ မပါခဲ့
တစ်ယောက်နဲ့ တစ်ယောက် တို့ ချစ်ခဲ့ကြတယ်။
တစ်ယောက်နဲ့ တစ်ယောက် အငမ်းမရပေမယ့်
တစ်ယောက်နဲ့ တစ်ယောက်ရမ္မက်ချည်းသာ ဆန်တဲ့
တစ်ယောက်နဲ့ တစ်ယောက် တို့နမ်းတဲ့ အနမ်းတွေဟာလည်း
တစ်ယောက်နဲ့ တစ်ယောက် တို့နှုတ်ခမ်းတွေ သွေးရောင်ကင်းမဲ့ ဗလာပဲ
နည်းနည်းတော့ ကြေကွဲဖို့ကောင်းတယ်။
တစ်ယောက်နဲ့ တစ်ယောက် လှည့်ဖျားဖို့မဟုတ်ပေမယ့်
တစ်ယောက်နဲ့ တစ်ယောက် ကတိမဟုတ်တဲ့ ကတိစကားတွေနဲ့
တစ်ယောက်နဲ့ တစ်ယောက် မုသားတွေချည်း နှောင်ဖွဲ့
တစ်ယောက်နဲ့ တစ်ယောက် တို့ ချည်ထားခဲ့ကြတယ်။
တစ်ယောက်နဲ့ တစ်ယောက် မဆန်းလှပေမယ့်
တစ်ယောက်နဲ့ တစ်ယောက် ပြိုလဲခဲ့ရတာပါပဲ
တစ်ယောက်နဲ့ တစ်ယောက် သတိမထားမိကြခင်မှာပဲ
တစ်ယောက်နဲ့ တစ်ယောက် အချစ်ကလေးရေ
တို့ လမ်းခွဲကြတာ ကောင်းတယ်။
၁၉၉၉။
သော်ဒီဝေ
မြို့တစ်မြို့ ၊ လသုံးစင်း
ပထမအကြိမ်၊ ၂၀၁၃။
မြန်မာဧရာစာပေ။
တစ်ယောက်နဲ့ တစ်ယောက် အချစ်မဟုတ်တဲ့ အချစ်တွေနဲ့
တစ်ယောက်နဲ့ တစ်ယောက် နှလုံးသားများ မပါခဲ့
တစ်ယောက်နဲ့ တစ်ယောက် တို့ ချစ်ခဲ့ကြတယ်။
တစ်ယောက်နဲ့ တစ်ယောက် အငမ်းမရပေမယ့်
တစ်ယောက်နဲ့ တစ်ယောက်ရမ္မက်ချည်းသာ ဆန်တဲ့
တစ်ယောက်နဲ့ တစ်ယောက် တို့နမ်းတဲ့ အနမ်းတွေဟာလည်း
တစ်ယောက်နဲ့ တစ်ယောက် တို့နှုတ်ခမ်းတွေ သွေးရောင်ကင်းမဲ့ ဗလာပဲ
နည်းနည်းတော့ ကြေကွဲဖို့ကောင်းတယ်။
တစ်ယောက်နဲ့ တစ်ယောက် လှည့်ဖျားဖို့မဟုတ်ပေမယ့်
တစ်ယောက်နဲ့ တစ်ယောက် ကတိမဟုတ်တဲ့ ကတိစကားတွေနဲ့
တစ်ယောက်နဲ့ တစ်ယောက် မုသားတွေချည်း နှောင်ဖွဲ့
တစ်ယောက်နဲ့ တစ်ယောက် တို့ ချည်ထားခဲ့ကြတယ်။
တစ်ယောက်နဲ့ တစ်ယောက် မဆန်းလှပေမယ့်
တစ်ယောက်နဲ့ တစ်ယောက် ပြိုလဲခဲ့ရတာပါပဲ
တစ်ယောက်နဲ့ တစ်ယောက် သတိမထားမိကြခင်မှာပဲ
တစ်ယောက်နဲ့ တစ်ယောက် အချစ်ကလေးရေ
တို့ လမ်းခွဲကြတာ ကောင်းတယ်။
၁၉၉၉။
သော်ဒီဝေ
မြို့တစ်မြို့ ၊ လသုံးစင်း
ပထမအကြိမ်၊ ၂၀၁၃။
မြန်မာဧရာစာပေ။
No comments:
Post a Comment