ဘယ်အချိန်ကလဲတော့ မသိလိုက်နိုင်ဘူး
ဒါပေမယ့် သူက သွေးပျက်မှုတွေနဲ့
ရင်ခုန်နေတာ အမြင်ကပ်စရာ
ဟနေတာ အကြီးကြီးပေါ့
ဆင်ဆာတွေ စောစောနေတာလေ
ကြေမွသွားခဲ့တယ်ဆိုတာ သီချင်းစာသားတစ်ခုလောက်ပဲ
ကိုယ့်ခရီး ကိုယ်လျှောက်ရတာချည်း
စောစောထပြီးရင် ကိုယ့်ကိုယ်ကို
တစ်ပတ်ပြည့်အောင်တော့ ပြေးကြည့်ငါ့ညီ
မနေ့ကမင်းကို ဒီနေ့မင်းက
အစ်ကိုတော်တယ်ဆိုတာ မမေ့နဲ့ပေါ့
ညနေခင်း မင်းဆီမင်း ပြန်မလာမိရင်
ဘယ်မှာအိပ်မလဲဆိုတာ
ငါတို့က လိုက်ပူနေရဦးမှာလား
အသံတွေပြောင်းလာခဲ့တာ
အမွေးအမှင်တချို့နဲ့ ကိုယ်ခန္ဓာတည်ဆောက်ပုံ
ပြောင်းလဲခဲ့တာ
အားလုံးကို သတိရှိရှိနဲ့ ဂိုးပေါက်ကနေ
စောင့်ဖမ်းနေရမှာ
မင်းက ရှေ့တန်းမကန်ချင်ရင်
နောက်တန်းက ခံစစ်မကစားချင်ရင်
ဂိုးတွေတော့ ဘယ်တော့မှ မပေးမိစေနဲ့
ပေးမိရင်လည်း မများစေနဲ့
များသွားတော့လည်း အရှုံးကို
ပြုံးပြုံးကြီးပေါ့
မနေ့ကကောင်ကို ငါလှမ်းပြောခဲ့တယ်
မင်း ကြီးကောင်ဝင်နေပြီကွာ။
ရေ၀တီ
၎ သြဂုတ် ၂၀၁၁
No comments:
Post a Comment