> သီဟသူ [dot] blogspot [dot] com: ဟထားတဲ့ ပါးစပ်ကြီး

Sep 4, 2011

ဟထားတဲ့ ပါးစပ်ကြီး

ငါ့ကို နည်းနည်းကျွေးပါ။ ဟထားတဲ့ပါးစပ်ကြီးက ပြောတယ်။ ကောင်လေးတစ်ယောက်က သူ့ဘောင်းဘီအိတ်ထဲက ချောကလတ်တွေထုတ်ပြီး ပါးစပ်ကြီးထဲကို ပစ်ထည့်လိုက်တယ်။ (၅)မိနစ်လောက်ကြာသွားတယ်။ ပါးစပ်ကြီးက ပြောပြန်တယ်။ ငါ့ကို နည်းနည်းကျွေးပါတဲ့။ ကောင်ကလေးက ဘောင်းဘီအိတ်ထဲကို ထပ်နှိုက်တယ်။ ချောကလက် (၃) တောင့် ထွက်လာသေးတယ်။ ပါးစပ်ကြီးထဲ ပစ်ထည့်လိုက်တယ်။ (၂)မိနစ်လောက် ကြာသွားတယ်။ ပါးစပ်ကြီးက ပြောပြန်တယ်။ ငါ့ကိုနည်းနည်းကျွေးပါ။ ဒီတစ်ခါ သူ့အသံက ပိုပြီး သာယာနာပျော်ဖွယ် ဖြစ်လာသလိုပဲ။ သတင်းထောက်တစ်ယောက် ရောက်လာပြီး ပါးစပ်ကြီးကို "ဖျတ်" ခနဲ ဓါတ်ပုံရိုက်လိုက်တယ်။ ဒီလိုဓါတ်ပုံရိုက်လိုက်တော့ ပါးစပ်ကြီးက ပြုံးနေလိုက်တယ်။ ဒါပေမဲ့ ခဏပါပဲ။ ပါးစပ်ကြီးဟပြီး ပြောပြန်တယ်။ ငါ့ကိုနည်းနည်းကျွေးပါ။ ကောင်လေးက သူ့ဘောင်းဘီအိတ်ထဲကို ကြိုးစားပမ်းစားနှိုက်တယ်။ မရှိတော့ဘူး။ ဘာမှထွက်မလာတော့ဘူး။ အော်... ပျံလို့မရတဲ့ အတောင်ပံနဲ့ ပိုးကောင်အသေတစ်ကောင် ထွက်လာသေးတယ်။ ကောင်လေးက ပါးစပ်ကြီးထဲ ပစ်ထည့်လိုက်တာပါပဲ။ သတင်းထောက်က ကောင်လေးကို မေးတယ်။ မင်းပါးစပ်ကြီးထဲ ထည့်ကျွေးခဲ့တာ အားလုံး ဘယ်နှစ်ခုလဲ။ (၈) ခုနဲ့ (၁) ကောင်လို့ ကောင်လေးကဖြေတယ်။ ကောင်းပြီ။ သတင်းထောက်ဟာ ဟထားတဲ့ပါးစပ်ကြီးကို နောက်တစ်ကြိမ် ဓါတ်ပုံရိုက်ပြန်တယ်။ "ဖျတ်" ခနဲ။ ဟထားတဲ့ ပါးစပ်ကြီးက ပြုံးနေလိုက်တယ်။ ပြီးတော့ ပါးစပ်ကြီးဟာ ပြန်ဟလာပြီး ပြောပြန်တယ်။ ငါ့ကိုနည်းနည်းကျွေးပါ။ အသံက ဂီတပိုဆန်လာတယ်။ အဲဒီအချိန် ကောင်လေးရဲ့အမေ ရောက်လာတယ်။ သားငယ် မင်းဒီမှာဘာလုပ်နေတာလဲ။ ဟိုမှာကြည့်စရာတွေ အများကြီးရှိသေးတယ်ဆိုပြီး ကောင်လေးလက်ကို ဆွဲခေါ်သွားတော့တယ်။ သတင်းထောက်က ခင်ဗျားပြောတာ မှန်ပါတယ်ခင်ဗျာတဲ့။ ငါ့ကို နည်းနည်းကျွေးပါ။ ဟထားတဲ့ပါးစပ်ကြီးက တိုးတိုးပြောရင်း ကျန်ရစ်ခဲ့တော့ရဲ့။

နေမျိုး
၂၀၀၂၊ ၉၊ ၂၅
ည ၁၀း၁၀ နာရီ


နေမျိုး
မြည်နေတဲ့ထရမ်းပက် (ဝတ္ထုတိုငယ်စု)
ပထမအကြိမ်၊ ဇန်နဝါရီ၊ ၂၀၀၆
မိုးကောင်းစာအုပ်တိုက်