ရေစောင့်နေသူဟာ ရေလိုနေသူပါပဲ။
တကယ်လို့ ဒါဟာ တစ်ဦးတစ်ယောက်ချင်းစီရဲ့ ပုဂ္ဂလအယူအစွဲ တစ်မျိုးလို့ဆို
ရင်လည်း ခံစားမှုနဲ့ ပတ်သက်တဲ့ ဆွေးမြေ့ကြည်လင်ဖွယ် အရောင်အသွေးအမျိုးမျိုး
မှတစ်ဆင့် ကိုယ်ဖြည့်ချင်တဲ့ အနေအထား တစ်မျိုးမျိုးကို သဘာဝတရားထဲ
သွတ်သွင်းစီရင်ပြီး မှတ်တမ်းမှတ်ရာပြုခြင်းပါပဲ။
လူသုံးကုန်ပစ္စည်း ထုတ်လုပ်တဲ့ အလုပ်သမား လျှောက်ထားရေးဌာနရဲ့ ဘဝမှာ
ခဏတာပေါ့။
လှုပ်ရှားလိုက်တာနဲ့ ဝန်ထမ်းဖြစ်သွားကြတဲ့ အလုပ်သဘောမှာ သင်တစ်ခုခု တတ်
မြောက်ခဲ့ပြီး ဖြစ်တဲ့အတွက် တစ်ခုခုသင် တည်ဆောက် ပြုလုပ်မှုပြုရလိမ့်မယ်။
ကံပေးကံယူအရဒါကို မျက်ကွယ်ပြုပြင်ရင်လည်း သင်ခံစားရလိမ့်မယ်။
ကိုယ့်ရဲ့ ကိုယ်ရေးကိုယ်တာအချက်အလက်ကို
ဖိုင်တွဲထဲ ဖြည့်စွက်ခြင်းနဲ့ လက်ရေးလက်သား အမှတ်တံဆိပ်ကိုပုံနှိပ်ခြင်းပြုလုပ်ပြီး
တဲ့နောက်၊ ဖြစ်ချင်ရာဖြစ်နဲ့ အကျွတ်တရား
သင့်လျော်ရာနဲ့ ရည်မှန်းချက်ပန်းတိုင်တွေကြားမှာ
ဒွိဟကွာခြားနေတဲ့ တစ်ရာတစ်ထောင်ထဲက တစ်ယောက်
သင်ဟာသင် တစ်ယောက်တည်း အလုပ်ဝင်သွားခဲ့ရင် ရှားရှားပါးပါး
ကျွန်ုပ်ရဲ့ ဟောပြောမှုအတွက် ဗွေမယူခြင်း။
တကယ်သာမှန်လို့ ပြန်လာခဲ့ကြရင် အထိနာလို့ပဲဖြစ်မယ်။
ဘယ်သူ့ဆရာဟာ အနာဂတ်ဟောတယ်ပေါ့၊ ဆိုလိုခြင်းက
ဒါဟာသည်လည်း အနာဂတ်ဟောတယ်ပေါ့။ ။
ဝင်းမြင့်
ကမ္ဘာ့ကဗျာနေ့
၂၁၊ မတ်လ
ပကြိမ်၊
၂၁၊ မတ်လ၊ ၂၀၁၂။
အိပ်မက်ရိပ်စာပေ
No comments:
Post a Comment