> သီဟသူ [dot] blogspot [dot] com: ဆံပင်ဖီးသူများဇာတ်လမ်း

Dec 2, 2013

ဆံပင်ဖီးသူများဇာတ်လမ်း

ကိတ်မုန့်ဟာ
ချစ်သူကို ကျွေးဖို့ပါ
ချစ်သူမျက်နှာကိုပေါက်ဖို့ မဟုတ်ပါဘူး
အစွန်းအထင်းများသောအင်္ကျီ
လူ့အရေပြားသာ ဖြစ်ပါတော့သည်။

ပြေပြစ်သော ဖျော်ဖြေမှု
ငါတို့ဇာတ်ရုံကြီးတစ်ခုလုံး
ကန့်လန့်ကာတွေ ရှိတယ်
သံပြိုင်အဆိုအဖွဲ့နဲ့ တေးဂီတဝိုင်း ပါဝင်တယ်

မြိုင်မြိုင်ဆိုင်ဆိုင် အနာတရတွေ
အားရပါးရ အရယူလိုက်ကြစမ်းပါ
အစောက လဲကျခဲ့သူအားလုံး
ဇာတ်သိမ်းသီချင်းပြီးဆုံးရင်
ကန့်လန့်ကာချ
ဖုတ်ဖတ်ခါ၊ ပြန်ထနိုင်ကြမှာပါ။

ဝမ်းနည်းပူဆွေးမှုတို့အပေါ်
ဆောင်းထားသောဦးထုပ်
အစ,က ပြန်လည်ပြုလုပ်ကြရအောင်။

သုခမိန်လှိုင်
အမည်မရှိ ရေတံခွန် (စက်တင်ဘာ ၂၀၀၃ - ဇွန် ၂၀၀၄)
ဘဏ်ဓားပြ၊ ကျော်မွှေးစာပေ၊ ပထမအကြိမ်၊ ၂၀၁၃။