> သီဟသူ [dot] blogspot [dot] com: ပြီးခဲ့တဲ့နှစ်ဟာ ခရမ်းရောင်ဖြစ်တယ်

Jul 8, 2014

ပြီးခဲ့တဲ့နှစ်ဟာ ခရမ်းရောင်ဖြစ်တယ်

ဒီလိုနဲ့ ၂၀၀၈ ဟာ
ဖြူရော်နေတဲ့ သူ့ဆံပင်ကို အနက်ရောင်ဆေးဆိုး
ခပ်တည်တည် ရုပ်ဖျက်ပြီး
'Happy New Year' လို့တောင်
နှုတ်မဆက်ဘဲ ရောက်လာခဲ့ပြန်တယ်။
အမှန်တရားလို့ ယုံကြည်ထားတာတောင်
အမှန်တရားနဲ့ တစ်ဘဝစာ လွဲခဲ့ရလို့တဲ့
၁၉၅၂ ဖွား စာရေးဆရာတစ်ယောက်
၁၉၅၂ ထုတ် စာအုပ်တစ်အုပ်အကြောင်း
ဟောပြောပို့ချနေရဲ့။
အနည်းဆုံးတော့ . . . ဒီလိုပါပဲ (ဘယ်သူဖြစ်ဖြစ်)
အနည်းဆုံးတော့ . . . ခင်ဗျားချစ်ခြင်းမေတ္တာ
အနည်းဆုံးတော့ . . . ခင်ဗျားတော်လှန်ရေး
သားလျှောခဲ့ဖူးပေမယ့်
နောက် . . . ခင်ဗျားအိပ်မက်
နောက် . . . ခင်ဗျားအနုပညာ
ဩော် . . . ဒါနဲ့ ကျွန်တော့်ကို
နောက် (တစ်ပက်လောက်)
နေ့စဉ် ခေါက်ရိုးကျိုးဘဝထဲ နေထိုင်
ဒီလူ ခေါက်ရိုးမကျိုးဘူးလို့ မပြောပါနဲ့
ကျွန်တော့်အတ္တကို မီးပူမတိုက်ဘဲ
ပစ်ထားခဲ့တာ ကြာပြီ။
အနည်းဆုံး 'ရိုးသားမှု' ဆိုတာလေးတောင်
မရနိုင်ခဲ့တော့လည်း နောက်ထပ်
ဘာကိုမှ ထပ်မရချင်တော့ပါ
(ဘာမှ ရစရာမရှိအောင် လုပ်ထားခဲ့လို့တဲ့)
ဒီလိုနဲ့ လွန်ခဲ့တဲ့ ခြောက်နှစ်လောက်က
လမ်းခွဲခဲ့ကြတဲ့ ချစ်သူကိုလည်း
နောက်ထပ် ဆက်ထုံးတစ်ခု
ထပ်ထုံးဖြစ်ပြန်ပေါ့။

၁၊ ဇန်နဝါရီ၊ ၂၀၀၈။

သော်ဒီဝေ
မြို့တစ်မြို့ ၊ လသုံးစင်း
ပထမအကြိမ်၊ ၂၀၁၃။
မြန်မာဧရာစာပေ