မနက်စောစော ကျွန်တော် တောင်ပေါ်ကိုတက်ခဲ့တယ်။ သည်နယ်နိမိတ်က တောင်တွေဟာ ပျော့စိစိနဲ့။ ဒါပေမဲ့ ပျော့စိစိတောင်တွေပေါ်ကို တက်ရောက်ခဲ့ပါတယ်။ ကြိုးစားရတာပဲ။ မကြိုးစားလို့မရဘူးဗျာ။ တကယ်လို့ ခင်ဗျား ဘာတစ်ခုခုကိုမှ မကြိုးစားဘဲ ဒီအတိုင်းနေမယ်ဆိုပါတော့။ မကြိုးစားဘဲနေဖို့ ကြိုးစားရပြန်တာပဲမဟုတ်လား။ ဒါကြောင့် သည်နယ်နိမိတ်က တောင်တွေပေါ် ကျွန်တော်တက်ခဲ့တာပါ။ တောင်ရဲ့အမြင့်ပိုင်းကို ရောက်လေလေ ကျွန်တော့်အတွေးတွေ ဆန်းလာလေလေပဲ။ ကျွန်တော်က ကျွန်တော်တက်နေတာဟာ တောင်တစ်တောင်မဟုတ်ဘဲ ဧရာမမျှော့ကြီးတစ်ကောင်လို့ ထင်မိလာတယ်။ ခြေတစ်လှမ်း လှမ်းလိုက်တိုင်း ခြေဖဝါးအောက်မှာ ပျော့စိစိနဲ့။ မျှော့ကြီးက ကမ္ဘာမြေရဲ့အတွင်းသားထဲက အဆီအနှစ်တွေကို ဘာကြောင့်စုပ်ယူလို့ မဝနိုင်သေးတာလဲ။ ပျော့စိစိတောင်ပေါ်ကို ကျွန်တော် တက်ရောက်ခဲ့ပါတယ်။ ဒါပေမဲ့ အလံကို ကျွန်တော် မစိုက်ခဲ့ဘူး။ ဧရာမမျှော့ကြီးတစ်ကောင်ရဲ့ အရေပြားပေါက်ပြဲသွားရင် ဘာတွေပန်းထွက်လာမလဲဆိုတာ ဘယ်သူမှ အတတ်မပြောနိုင်ကြဘူးလေ။
နေမျိုး
၂၀၀၂၊ ၉၊ ၁၆
ည ၉း၄၂ နာရီ
နေမျိုး
မြည်နေတဲ့ထရမ်းပက် (ဝတ္ထုတိုငယ်စု)
ပထမအကြိမ်၊ ဇန်နဝါရီ၊ ၂၀၀၆
မိုးကောင်းစာအုပ်တိုက်
No comments:
Post a Comment