> သီဟသူ [dot] blogspot [dot] com: လေဒီလားဇ်ရပ်(စ်)

May 6, 2011

လေဒီလားဇ်ရပ်(စ်)

ကျွန်မ လုပ်လိုက်ပြန်ပြီ။
ဆယ်နှစ်တစ်ကြိမ် ကျွန်မ လုပ်တယ်-

လမ်းလျှောက်နေတဲ့ အံ့ဖွယ်တစ်ပါးပေါ့
ကျွန်မရဲ့ အရေပြားဟာ
နာဇီမီးအုပ်ဆောင်းလို တောက်ပ
ကျွန်မရဲ့ ညာခြေထောက်ဟာ
စကဿကူဖိဖန်တုံး။

ကျွန်မရဲ့ မျက်နှာမှာ
ဘာအသွင်အပြင်မှ မရှိဘူး၊
နူးညံ့တဲ့ ဂျူးပိတ်သားစ။

ကျွန်မကို အုပ်ထားတဲ့ ပဝါကို
ခွာလိုက်ပါ
ကျွန်မရဲ့ ရန်သူတော်ငဲ့
ရှင့်ကို ထိတ်လန့်သွားစေသလား-

နှာခေါင်း မျက်တွင်း၊ သွားတွေ
စုံရဲ့လား။
ခံတွင်းသိုးနံ့ဟာ
တစ်ရက်တည်းနဲ့ ပျောက်သွားမှာပါ။

မကြာခင်၊ မကြာခင်မှာပဲ
သေတွင်းက စားပစ်လိုက်တဲ့
ကျွန်မရဲ့ အသားအရည်
ကျွန်မကိုယ်ပေါ်
နဂိုအတိုင်း ပြန်ဖြစ်လာမှာပါ။

ကျွန်မဟာ ပြုံးနေတတ်တဲ့ မိန်းမ
အသက်ကလည်း သုံးဆယ်လေးတင် ရှိသေးတယ်။
ကြောင်လိုပဲ ကျွန်မမှာ
သေဖို့ ကိုးကြိမ်တိတိရှိတယ်။

ဒါဟာ သုံးကြိမ်မြောက်။
ဆယ်စုနှစ် တစ်ခုစီကို ဖျက်ဆီးပစ်ရတာ
တကယ်ရှုပ်တာပဲ။
နန်းကြိုးမျှင်တွေ သိန်းသန်းကုဋေတောင်ပါပဲလား။
မြေပဲဆားလှော်ဝါးတဲ့ ပရိသတ်ကြီး
တိုးကြိတ်ပြီး ဝင်ကြည့်လိုက်ကြတာ

ကျွန်မရဲ့ ခြေတွေလက်တွေ
သူတို့မြင်အောင် ကျွန်မကိုယ်ကျွန်မ
ဖြည်ပြ
ခုနှစ်လွှာချွတ်ပွဲကြီး တစ်ခုပေါ့။
ဂုဏ်သရေရှိလူကြီးမင်းများ၊
ဂုဏ်သရေရှိ အမျိုးကောင်းသမီးများရှင်

ဒါတွေဟာ ကျွန်မရဲ့ လက်တွေ
ဒါတွေဟာ ကျွန်မရဲ့ ဒူးခေါင်းတွေ
လောလောဆယ် အရိုးပေါ် အရေတင်။
ဒါပေမဲ့ ကျွန်မဘာမှ မပြောင်းလဲဘူး
ယခင် မိန်းမ ပကတိပဲ။
ပထမဆုံးအကြိမ် ဖြစ်တုန်းက
ကျွန်မ ဆယ်နှစ်ပဲရှိသေး
အဲဒါ မတော်တဆ ဖြစ်ခဲ့တာ။

ဒုတိယအကြိမ်မှာတော့
ဘယ်တော့မှ ပြန်မလာတော့အောင် လုပ်ခဲ့တာ။

ပင်လယ်ခရုခွံလို
ကျွန်မကို ကျွန်မ ပိတ်ဆို့ပစ်လိုက်တယ်။
သူတို့ ကျွန်မကို အော်အော်ခေါ်ရ
ချွဲကျိကျိ ပုလဲလုံးတွေလို သူတို့ခွာပစ်ရသတဲ့
ကျွန်မကိုယ်ပေါ်က လောက်တွေကို။

သေတာဟာ ပညာသားပါဖို့လိုတယ်
ဘယ်ဟာမဆိုလိုပဲပေါ့။
ဒါမျိုးဆို ကျွန်မ ကျွမ်းကျွမ်းကျင်ကျင် လုပ်တတ်တယ်။

ငရဲလိုခံစားရအောင် ကျွန်မလုပ်တတ်တယ်
အစစ်အမှန်လို ခံစားရအောင် လုပ်တတ်တယ်
ကျွန်မရဲ့ ပါရမီပဲလို့ ပြောလို့ရမယ် ထင်ပါရဲ့။

မြေအောင်ခန်းလေးထဲမှာ လုပ်ရတာ လွယ်တယ်
လုပ်ပြီးတော့ အဲဒီအတိုင်းပဲ နေရတာ လွယ်တယ်
စိတ်ညစ်စရာက
အလင်းပြောင်ပြောင်ကြီးထဲ
ပြဇာတ်ဆန်ဆန် ပြန်ပြန်လာရတာ
အဲဒီ ယခင်နေရာ အဲဒီ ယခင်မျက်နှာ
အဲဒီ ယခင်အခြေအနေအတိုင်း
ကြမ်းကြမ်းကြုတ်ကြုတ် ပျော်ရွှင်နေကြတဲ့
အော်သံကြီးဆီ
'အံ့ဖွယ်ပဲဟေ့၊
ဘုရားသခင် တန်ခိုးပြတာပဲ။'

အဲဒီစကားမျိုးတွေပေါ့
ကျွန်မကို အလဲထိုးပစ်တာ။

အခကြေးငွေ ပေးရတယ်
ကျွန်မရဲ့ အမာရွတ်တွေ ကြည့်ရဖို့
အခကြေးငွေပေးရတယ်
ကျွန်မရဲ့ နှလုံးခုန်သံကို နားထောင်ဖို့
တကယ်လည်း တဒိတ်ဒိတ်ခုန်ပါတယ်။

အခြားအခအကြေးငွေတွေ ရှိသေးတယ်
တန်ဖိုးကြီးကြီး ပေးရတယ်
ကျွန်မဆီက စကားတစ်ခွန်းအတွက်
ကျွန်မ အသားကို ထိရဖို့အတွက်
ဒါမှမဟုတ် ကျွန်မရဲ့ သွေးတစ်စ

ဒါမှမဟုတ် ကျွန်မရဲ့ ဆံခြည်တစ်မျှင်
ကျွန်မကိုယ်ပေါ်က အဝတ်အစားအပိုင်းအစ။
အဲဒီတော့၊ အဲဒီတော့၊ ဟာ(ရ်)ဒေါက်တာ
အဲဒီတော့၊ ဟာ(ရ်)ရန်သူတော်ကြီးငဲ့။
ကျွန်မဟာ ရှင့်ရဲ့လက်ရာမြောက်
ကျွန်မဟာ ရှင့်ရဲ့ အဖိုးတန်ဆုံး၊
အော်သံထဲ အရည်ပျော်သွားတဲ့
ရွှေသားစစ်စစ် အချစ်ကလေးပေါ့။

ဟိုဘက် ဒီဘက် ကျွန်မ လှည့်စောင်းပြီး
တစ်ကိုယ်လုံး လောင်မြိုက်လို့နေတယ်။
ရှင့်ရဲ့ ကြီးမားတဲ့ စိုးရိမ်မ၍ကို
ကျွန်မ လျှော့တွက်တယ်လို့ မထင်ပါနဲ့။

ရှင် ထိုးလိုက် ဆွလိုက်လုပ်နေတာ
ဘာရမယ် ထင်လို့လဲရှင်
ပြာတွေ၊ ပြာတွေပဲ
အသား၊ အရိုး ရှိမှ မရှိတာပဲ-

ဆပ်ပြာတစ်ခဲ
မဂဿ လာဆောင် လက်စွပ်တစ်ကွင်း
သွားအပေါက်ဖာတဲ့ ရွှေစ
အဲဒါတွေပဲ။

ဟာ(ရ်)ဖန်ဆင်းရှင်
ဟာ(ရှ်)ယမမင်း
သတိထား
သတိထား။

ပြာပုံထဲက
ဆံပင်နီရဲနဲ့ ကျွန်မ
ထိုးထွက်ထလာပြီး
ယောက်ျားတွေကို
လေလိုစားပစ်တယ်။ ။


ဆစ်လ်ဗီယာ ပလာ့သ်
၁၉၆၂


ဆစ်လ်ဗီယာ ပလာ့သ် ဘဝ၊ ဆစ်လ်ဗီယာ ပလာ့သ် ကဗျာ
ဇေယျာလင်း
၂၀၀၃