ဝေလငါး၏မျက်ရည်များ

အမှန်တရားဆိုသောအမှားတရံ
ကျွန်တော့်မှာအင်္ကျီ အဝတ်အစားဆင်သလိုမြဲမြံ ။
ယုံကြည်စိတ်ချစွာပဲ
လက်ဖက်ရည်တစ်ခွက်မှာလိုက်တော့
သကြားအရသာစစ်စစ်နဲ့
ဒါဆို
ကျွန်တော်ဟာအစစ်တစ်ခုပေါ့ ။

ပင်လယ်ကြီးကိုလည်းခြေထောက်တင်နိုင်ခဲ့
လက်ပတ်နာရီကိုကြည့်လိုက်တော့ ၁၁ နာရီခွဲ
ကဲ . . . ကျွန်တော်အောင်မြင်စွာရှိနေကြောင်း
သက်သေပြချက်မှာ
နေ့လည်စာဝေလငါးဟင်း
မျက်ရည်တွေကျဆင်းလို့။

သုခမိန်လှိုင်
CD..2 - ဂျွန်လင်နွန် မဆိုခဲ့သော သီချင်းများ  (၂၀၀၃)
ဘဏ်ဓားပြ၊ ကျော်မွှေးစာပေ၊ ပထမအကြိမ်၊ ၂၀၁၃။