> သီဟသူ [dot] blogspot [dot] com: အဲဒီမှာ

Nov 27, 2013

အဲဒီမှာ

စကြဝဠာကြီးဟာ
အကြီးမားဆုံးသောသေတ္တာကြီးတစ်လုံး။
အဲဒီမှာ. . . မမျှော်လင့်သောပန်းများ
မတင်းတိမ်နိုင်ခဲ့သောဆည်းဆာများ
မဝခဲ့သောအချစ်များ။
အဲဒီမှာ. . . ပုံပြောဆရာကြီးအန်ဒါဆင်
ဂီတစာဆိုကြီး မြို့မငြိမ်း
ရုပ်ရှင်ဒါရိုက်တာကြီးကူရိုဆာဝါ။

အဲဒီမှာ
လက်ကိုင်ပဝါလေးတစ်ထည်
ကမ္ဘာကြီးတစ်ခု
ပျောက်ဆုံးသွားပုံအခမ်းအနား။

အဲဒီမှာ
မျက်လှည့်ဆရာကြီးရဲ့
ကရုဏာကြီးတဲ့အသံက
သင်တို့ ဘယ်တော့မှ
မျက်ရည် မကျရတော့ပါဘူး။

သုခမိန်လှိုင်
CD..2 - ဂျွန်လင်နွန် မဆိုခဲ့သော သီချင်းများ  (၂၀၀၃)
ဘဏ်ဓားပြ၊ ကျော်မွှေးစာပေ၊ ပထမအကြိမ်၊ ၂၀၁၃။