> သီဟသူ [dot] blogspot [dot] com: တနင်္လာနေ့ရဲ့ပုံတူ

Mar 17, 2014

တနင်္လာနေ့ရဲ့ပုံတူ

မဖွင့်တာကြာပြီး ဖုန်တက်နေတဲ့
ဘီတဲလ်ဓာတ်ပြားအဟောင်း တစ်ချပ်
ဗီရိုအံဆွဲထဲမှာ . . .
ဖြစ်နိုင်ရင်
မျက်စိမှိတ်ပြီး အိပ်ပျော်နေရင်တောင်
ပိုက်ဆံတွေ လှိမ့်ဝင်နေသေးတဲ့
ဘီလ်ဂိတ်လို သူဌေးလည်း ဖြစ်ချင်တယ်
လူတိုင်း . . .
ကုန်ကျစရိတ် ခပ်နည်းနည်း
အတွေးအခေါ် ခပ်ရဲရဲနဲ့
စိတ်ကြီးဝင်သင့်တာပဲပေါ့
ဟာဗျာ . . . မဟုတ်တာ . . .
ဟာဗျာ . . . အနည်းဆုံး
ပေါလ်မက္ကာတနီ ရခဲ့တဲ့
အနုပညာကြေားမျိုးတော့
ခင်ဗျားလည်း ရသင့်သူပေါ့်
ဟာဗျာ . . .
ချက်နိုင်ငံသူ
ကိုယ်နဲ့ နက္ခတ်ချင်းလည်းတူတဲ့
ကယ်ရိုလိုင်းနားကာကိုဗာဆိုတဲ့
မော်ဒယ်လ်ကောင်မလေးနဲ့လည်း လက်ထပ်ချင်သူပါ။
ယခင် တနင်္လာနေ့များအတိုင်း
ဒီနေ့လည်း . . .
ဆားစ်ရောဂါနဲ့ ဘဂ္ဂဒက်စစ်ပွဲဟာ ရုပ်မြင်သံကြားပေါ်မှာ
ရှိနေဆဲပါပဲ။
ဆယ်စုများ တစ်ခုပြီး . . . နောက်တစ်ခု
၃၃ လမ်း ရွှေတူးသမားများအိပ်မက်
ကမ္ဘာမြေ တစ်နံတစ်လျား လတ်ဆတ်
မွှေးပျံကြပါစေသတည်း။

ဖက်ရှင်မဂ္ဂဇင်း၊ စက်တင်ဘာ၊ ၂၀၀၃။

သော်ဒီဝေ
မြို့တစ်မြို့ ၊ လသုံးစင်း
ပထမအကြိမ်၊ ၂၀၁၃။
မြန်မာဧရာစာပေ။