> သီဟသူ [dot] blogspot [dot] com: ရာဇဝင်မူးသူ

Mar 3, 2014

ရာဇဝင်မူးသူ

လမ်းအကျယ်ကြီးနဲ့
သစ်ပင်အကြီးကြီးများနဲ့
သံဇကာ တစ်ထပ်
ခြံစည်းရိုး တစ်ထပ်
ရုပ်ပုံများပဲ တင်ထပ်လာခဲ့တာ
တစ်ခါတစ်ရံ ငါမြင်ရ ငါကြားရ။
နီလျက်၊ ရဲလျက်။
ကြီးကျယ်လျက်။
အိန္ဒြေကြီးလျက်။
အသံမြည်လျက်။

ဒေါင့်က သတင်းစာတိုက်ဟာ
'သူရိယ' သတင်းစာတိုက်ပါလား။

အာဏာရှင်လှရွှေ၊ ဒေါက်တာလှရွှေ၊ သူ့အသံ
ဒဂုန်တာရာ သူ့စာဟန်
တစ်ဖန်၊ မြင်းခွာသံ
တစ်ဖန်၊ ဗိုလ်ချုပ်အောင်ဆုံးတို့ ကျဆုံးခဲ့ပြန်
တစ်ဖန် ....
၁၉ .... ဇွန်လသို့ရောက်ခဲ့ပြန်။

ရာဇဝင်နားကပ်လျက်
ငါထိုင်မိခဲ့
ကော်ကုလားထိုင်နဲ့ ငါထိုင်မိခဲ့။
၁၉၁၂ သည် ရောက်ရှိခဲ့။

ယူကြမလား
အိပ်မက်လိုလို တကယ်လိုလို
တကယ်က ရာဇဝင်ပါတကား
အလို သင်ယုံပါရဲ့လား။ ။

အောင်ချိမ့်

ဆေးရှူတဲ့မောင် - အောင်ချိမ့်
ပထမအကြိမ်၊ ၂၀၁၃၊ သြဂုတ်လ
စိတ်ကူးချိုချိုစာပေ