> သီဟသူ [dot] blogspot [dot] com: ဆီးချိုသီးများ ရှိတယ်

Mar 24, 2014

ဆီးချိုသီးများ ရှိတယ်

ဤသို့ဖြင့်
ဘဝတွင် ချိုမြိန်သောသူများအတွက်
ဆီးချိုသီးများ အမြဲရှိသည်ဟု
မှတ်သားခဲ့ရဖူးပေသည်။
ဟောဒါ အရင်းကျမ်းကို တွေ့ရှိခဲ့သူ 'ားလ်မတ်စ်'
ဒါ 'ရော့စတီးဝဒ်' ရမ္မက်အကြောင်း သီချင်းဆိုသူ
သူက ပန်းနုရောင်၊ ရွှေအိုရောင် 'ဒဂုန်တာရာ'
သူက အပြာရောင်စီးသူများ ပန်းချီဂိုဏ်းဝင် 'ကင်ဒင့်စကီး'
သူကိုယ်တိုင် သဘာဝတရားပါလို့ ရဲဝံ့စွာ ကြွေးကြော်ရဲသူ 'ဂျက်ဆန်ပူးလော့'
သူကတော့ ချင်းတွင်းမြစ်ကမ်းဘေးက ရိုးရိုးသားသား
ရေကြည်သမားလေး
သူက အခုအချိန်အထိ အနုပညာနဲ့ ကျော်ကြားမှုကို
ငွေနဲ့ ဝယ်နေရသေးသူ
သူကိုယ်တိုင် အနုပညာပုံစံတစ်ခုအဖြစ် နာမည်ကြီးသူ 'အင်ဒီဝါးဟိုး'
'မာဆယ်ဒူးရွှန့်' ဒါဒါအနုပညာဝါဒရဲ့ အရှင်သခင်
ရက်စက်ကြမ်းကြုတ်တဲ့ ကမ္ဘာကြီး၊ အနိဌာရုံများ၊ စစ်ပွဲများ
နံရံများကို ဖွဲ့နွဲ့တင်ပြတဲ့ 'ပင့်ဖလွိုက်'တေးဂီတ
ဤသို့
ဤသို့ဖြင့် ဆီးချိုသီးများသည်
ဘဝတွင် အမှန်တကယ် ချိုမြိန်သူများအတွက်
ဖြစ်ခဲ့ရပေသည်။

ရုပ်ရှင်တေးကဗျာ မဂ္ဂဇင်း

သော်ဒီဝေ
မြို့တစ်မြို့ ၊ လသုံးစင်း
ပထမအကြိမ်၊ ၂၀၁၃။
မြန်မာဧရာစာပေ။