> သီဟသူ [dot] blogspot [dot] com: အာလပ သလ္လာပ

Mar 1, 2014

အာလပ သလ္လာပ

ငါတို့ကြည့်ကြရမယ်
ကိုယ့်ရုပ်ကိုယ်ကြည့်ကြရမယ်
မှန်ကြည့်ရမယ်
ခွတီးခွတကို ကြည့်ရမယ်။

ငါတို့ကြည့်ကြရမယ်
သမိုင်းရာဇဝင်ကိုကြည့်ရမယ်
"အလှအပလေးများသည် လူကိုနုပျိုစေသည်တကား"ကို ကြည့်ရမယ်
ကမ္ဘာ့မြေပုံကို ခါးထောက်ကြည့်ရမယ်။

ငါတို့ကြည့်ကြရမယ်
လူကိုကြည့်ကြရမယ် (တချို့ကတော့ 'မူ' ကိုပါကြည့်ရမယ်ပြောတယ်)
အရင်းရှင်စနစ်ကောင်းလာလို့လားလို့ ကြည့်ရမယ်
ရှားလော့ဟုမ်း ဆေးတံကိုကြည့်ရမယ်။

အင်း၊ မသေချာဘူးထင်ရင်တော့
ဗေဒင်လေးဘာလေးကြည့်ပေါ့လေ။ ။

အောင်ချိမ့်

ဆေးရှူတဲ့မောင် - အောင်ချိမ့်
ပထမအကြိမ်၊ ၂၀၁၃၊ သြဂုတ်လ
စိတ်ကူးချိုချိုစာပေ