> သီဟသူ [dot] blogspot [dot] com: မုန်းတော်မူ

Mar 8, 2014

မုန်းတော်မူ

ငါတို့ကြိုက်ခဲ့တာတွေ
မကြိုက်ကြတော့ဘူး
မကြိုက်တော့ဘူး
မကြိုက်တော့၍ ကြိုက်ပါလို့ပြောလို့မရ
ပြောလို့မရတော့တဲ့အခြေ။

ငါ့ကြက်ဟင်းခါးတွေ
ငါ့ပေါင်မုန့်မီးကင်တွေ
ငါ့ဤလူ့ဘောင်တွင်တွေ
ငါ့ Bjork တွေ
ငါ့မေရှင်တွေ
ကုန်ပြီ။

အထက်ပါအရာတွေ အထက်ပါပုဂ္ဂိုလ်တွေ
ငါအားနာမိပါတယ်။

ငါ့ကို မကြိုက်တော့
ငါ၌ပင်မဆုံး၊ ငါ့ကဗျာကိုမုန်းသတဲ့။

မုန်းတော်မူ
မုန်းတော်မူပါတော့....
အမုန်းစုံလင်လှပါသဖြင့် မရုန်းတော့ပြီ
မုန်းတော်မူ။ ။

အောင်ချိမ့်

ဆေးရှူတဲ့မောင် - အောင်ချိမ့်
ပထမအကြိမ်၊ ၂၀၁၃၊ သြဂုတ်လ
စိတ်ကူးချိုချိုစာပေ