> သီဟသူ [dot] blogspot [dot] com: အရေးတကြီး

Sep 20, 2009

အရေးတကြီး

မြန်မြန်
အလင်းရဲ့ အလျင်နဲ့သွားလို့
မြန်မြန်
စိတ်ရဲ့ အလျင်နဲ့သွားလို့
စိုးရိမ်ရေမှတ်ဟာ
ပုရွက်ဆိတ်တွေလို တရွရွတက်လာပါတယ်
လင့်စင်ပေါ်မှ
အဆင်သင့်မုဆိုး
အဆင်သင့်သားကောင်
အခြေအနေဟာ
ယုန်ကလေးလို နားရွက်ထောင်လို့။
ဝမ်းနည်းစွာ လျှောက်သွားတယ်
ဘီယာဆိုင်တွေရောက်တယ်
ဟိုအိမ်ဒီအိမ်တွေရောက်တယ်
အဆင်မပြေပါ။
ဝမ်းနည်းစွာ သံကုန်ဟစ်တယ်
ဘယ်သူမှ မကြားပါ။
မြန်မြန်
အသံထက်မြန်တဲ့ခရီးစဉ်လို။
မြန်မြန်
ကျည်ဆန်တစ်တောင့်ရဲ့ ခရီးစဉ်လို။
ခက်တာက
ကိုယ့်ပိုက်ဆံနဲ့ကိုယ်
လောကကိုကျေးဇူးတင်နေရတာပဲ။ ။

ကြည်ဇော်အေး
ဟန်သစ်မဂ္ဂဇင်း၊ ဇန်နဝါရီ၊ ၂၀၀၅။
ပထဝီအနေအထား၊ ၂၀၀၉၊ ဇွန်လ၊ ပထမအကြိမ်။