လိုအင်ဆန္ဒတွေသာ မိုးစက်များဖြစ်ခဲ့ရင်
ငါ့ဆင်ခြင်တုံကန်သင်းတွေ ကျိုးလောက်ရဲ့
ဖူးတော့မလား ငုံတော့မလား
မပွင့်လန်းရသေးဘူး ခူးလက်တပြင်ပြင်
အိပ်မက်တွေ ကောင်းလွန်းနေလို့
ညကို ဘယ်လိုဆွဲဆန့်ရမလဲ
ဟောဒီနှလုံးသားပေါ် ပြုတ်ကျခဲ့တာ
စမ်းရေတစ်စက်လား မီးပွားတစ်ပွင့်လား
ချိုချဉ်ဖန်ခါး ဘာလဲ တွေးမနေတော့ဘူး
ဥတုသုံးပါးလုံး တစက်စက် စိမ့်ယိုခဲ့တယ်
ဘယ်တော့မှ ခန်းမသွေးနိုင်တဲ့
မွေးရာပါ အိုးအအက်တစ်လုံးနဲ့
ငါ့ခမျာ ရယ်ကျဲကျဲ…။ ။
တိုးဝေ
မဟေသီ၊ စက်တင်ဘာ၊ ၂၀၀၉
No comments:
Post a Comment