မိုးဘွဲ့

အမှတ်တရ
သူ ကျလာပုံက
ကမ္ဘာမြေရဲ့ လွမ်းစရာတွေကိုယ်စား
မလုံတော့တဲ့ စာရိတ္တတွေနဲ့
အိမ်တံခါးတွေလုံအောင်ပိတ်ကြ
ကလေးတွေကို ငဲ့ညှာကြ
တတ်နိုင်သလောက် အမှားနည်းကြ
ဒါလောက်ပဲ ရမယ်ထင်ရဲ့။

မပြင်းထန်ရဲတော့တဲ့ မျှော်လင့်ရိပ်တွေ
ခေါင်မိုးတွေရဲ့ အော်သံအောက်မှာ တိုးတိတ်
လမ်းတွေ နစ်မြုပ်ကုန်ပြီလေ
နည်းနည်းလောက် အားထပ်ထည့်နိုင်ရင်တော့
ရှင်ပြန်ထမြောက်သူတွေလိုအပ်
အရပ်ရှစ်ခွင်မှာ
(အတွေးနယ်ချဲ့ဖို့)
သူ အစွမ်းပြပါစေတော့. . . ။ ။

၁၉၉၀ ဇူလိုင် ရုပ်ရှင်တေးကဗျာ မဂ္ဂဇင်း

သုခမိန်လှိုင်
ပုစွန်တွေဖတ်ဖို့ကဗျာ
ပထမအကြိမ်၊ ၂၀၁၂၊ မတ်လ
အညာသား ယဉ်ကျေးမှု စာစဉ်