> သီဟသူ [dot] blogspot [dot] com: ဝိတ်မခြင်း

Sep 22, 2014

ဝိတ်မခြင်း

ငါ့ လေ့ကျင့်ခန်းက
မိုးတိမ်တွေကို မ တယ်
တီးလုံးတေးသွားချည်းသက်သက် မ တယ်
စာအုပ်တွေကို မ တယ်
ရုပ်ရှင်တွေကို မ တယ်
ပြီးတော့
ကမ္ဘာကြီးကို
ရေနဲ့ ဆွဲလိုက်
ဆီနဲ့ ဆွဲလိုက်
မ တယ်။

အမှိုက်ပုံလို
အဆင်မပြေမှုများစွာ
ကျွန်တော်ဟာ မ ရဦးမှာ မဟုတ်လား။
၁၆ နှစ်သားက
မူးမြစ်ကမ်းနဖူးမြို့ကလေးပေါ်မှာ
ကျော်တင့်
အေးဆွေ
ငယ်သူငယ်ချင်းတွေနဲ့
ဝိတ်မခဲ့တဲ့ နေ့ကလေးတွေ
လွမ်းမိတော့တယ်။ ။

၂၀၀၀ အောက်တိုဘာ ရုပ်ရှင်တေးကဗျာ မဂ္ဂဇင်း

သုခမိန်လှိုင်
ပုစွန်တွေဖတ်ဖို့ကဗျာ
ပထမအကြိမ်၊ ၂၀၁၂၊ မတ်လ
အညာသား ယဉ်ကျေးမှု စာစဉ်