လူငယ်တစ်ယောက်အကြောင်း - ၃

စိမ်းစိုသောနေ့စွဲများ

သီချင်းအဆိုသန်တဲ့အရွယ်
အံဆွဲထဲက အတင်းခုန်ထွက်လာတယ်။

တိမ်တွေ အရောင် ပြောင်းသလို
ရက်၊ လ၊ နှစ်တွေ ပြောင်းခဲ့ပေါ့။

အပေါင်းအသင်း အသစ်အချို့ရ
အကြောင်းအရာအသစ်အချို့ ပြောဖြ်စပေါ့။

လက်ဖက်ရည်နဲ့ ဆေးလိပ်
တိတ်တိတ်သောက်ရာမှ
အိမ်မှာ လမ်းမှာ မုန့်စားဆင်းချိန်မှာ
ဗြောင် ခပ်တည်တည် သောက်လို့ပေါ့။

ကျောင်းနောက်ဘက် တောစပ်မှာ မုန့်စားချိန်တိုင်း
ငါတစ်ယောက်တည်း ဆေးလိပ်နဲ့ ထိုင်တယ်။
(ဆေးလိပ်ဟာ မကောင်းနိုင်ပါ။ ကဗျာထဲက
အချိန်ကာလာဟာ ၁၉၆၄-၆၅ လောက်ကပါ)

နောက်တော့ ထူးထူးဆန်းဆန်း ဒဏ္ဍာရီဆန်ဆန်
နားသံသီးလေး လှုပ်လှုပ်နဲ့
ဥစ္စာစောင့်မလေးတစ်ယောက်
မုန့်အချိုတွေယူလာပြီး ငါနဲ့အတူ လာထိုင်တယ်။

ဒီတုန်းက ဝါးထရံ ကာထားတဲ့ကျောင်း
ဆရာ၊ ဆရာမများ
နှစ်စ ကျောင်းသုံးစာအုပ်များ အနံ့နဲ့
နံရံကပ် စာစောင်နဲ့
အဲဒီ 'ဥစ္စာစောင့်မလေး' ကို မမေ့ပါ။

ရောင်စိမ်းိစုသော နေ့စွဲများ ရုတ်ခြည်း
ပွဲကြည့်ရသလို ပြည်ဖုံးကား ကျခဲ့ပါတယ်။

ကျွန်တော်ဟာ ကားကို ဆက်မောင်းတယ်ဆိုရင်
ရှေ့မှာ မသိနိုင်တဲ့ လမ်းခရီးဟာ ဘဝဖြ်စပါတယ်။ ။

အောင်ချိမ့်

လူငယ်တစ်ယောက်အကြောင်း - အောင်ချိမ့်
ပထမအကြိမ်၊ ၂၀၁၂ ခုနှစ်၊ သြဂုတ်လ
Majestic စာပေ