> သီဟသူ [dot] blogspot [dot] com: သူစိမ်း -၁၄

Apr 6, 2012

သူစိမ်း -၁၄


ခြင်ထောင်ကြိုးဖြည်ချရင်း
လူတစ်ယောက် ဘယ်လိုဖြည်ချရမယ်ဆိုတာ
ရေကျတော့မယ်ဆိုတဲ့ အတွေးနဲ့
အိမ်တံစက်မြိတ်ရောက်အောင် တိုးလာတဲ့သွေးနဲ့။

နေ့လယ်နေ့ခင်း
ကိုယ့်အရိပ်ကိုပဲ ကိုယ်ပြန်နင်းမိတယ်
ငါ့ခြေထောက်တွေကလည်း
လျှောက်မယ်ဆိုတာချည်းပဲ။

ဆံပင်တွေနဲ့ရှို့လို့
တစ်မြို့လုံးကူးစက်
မျက်ရည်လက်မှတ် ဘယ်လိုဖြတ်လိုက်ရမယ်
အသက်ဇီဝ ဘယ်နေရာက စလိုက်ရမယ်။

ဘယ်လို
အဆက်အစပ်ရှိသလဲဆိုတော့
ဘဝတစ်ပါး နေကြာပန်းများနဲ့
တုန်ယင်မှုဟာ ငယ်နာမည်။

စိုင်းဝင်းမြင့်